IN TIFUŠ AN REGULA U DEVF NENTA:

- Dè del nargión a chiunque e criè c’m’en strassè del paroli da spurcación; - u devf nionca scracè e tont menu sbardlè an gir, tütt cul c’l’ha ‘n mòn;
- u devf nenta fè u tifo ancontra j’aversari;
- u devf nenta fumè ‘l ciospi sensa antajesi che davsen uj’è, magara, ‘na mašnà;
- u devf nenta lasè, da chi o da là, d’l’armenta, per u rispet d’la natüra;
- u devf nenta rüšiè con ist, cul e cul’ater e u devf savej che Rambo l’è ammachi ant’u cinéma e quindi ch’l’è nent an guera ma ammachi a ‘na partéa ‘d balón;
- u devf nenta avej la cunvinsión d’esi pü fürb sulament perché l’è in lisondren.

U TIFUS PER BÉN:

- El bat el mòn onche a j’ater;
- el mòrd ant’el fer e u dis ch’l’è duss, onca quondi ch’us perd e l’ampara per in’atra vòta;
- el fa curagi ai só giugadur onche si fònn del vacadi;
- s’l’è fürb, el fa fenta d’esi d’acordi con l’arbitro, el va nenta a spieghei chi c’l’è so mama, che magara ul sa šà da lü;
- us porta cuchdën ansema per fè ‘na brancà d’amis…per esi pü toncc pusibil, nenta ‘na brancà d’ašu chi scrivu ancura “aquila” con la “C” !!

Ciau !

Ferry.